BAKI, AzerVoice
Qəzza zolağında ölənlərin sayı 54 min 677 nəfərə çatıb.
AzerVoice xəbər verir ki, İsrailin 2023-cü il oktyabrın 7-dən bəri Qəzza zolağında həyata keçirdiyi hərbi əməliyyatlarda həyatını itirən fələstinlilərin sayı 54 min 677 nəfərə yüksəlib.
Fələstin Səhiyyə Nazirliyinin məlumatına əsasən, son 24 saatda bölgədə daha 70 nəfər həyatını itirib. Onlardan 3 nəfərin əvvəlki hücumlar zamanı həlak olduğu və cəsədlərinin yeni aşkarlandığı bildirilib. Son sutkada 189 fələstinlinin isə yaralandığı açıqlanıb.
Məlumata görə, dağıntılar altında qalan bir çox ərazidə, eləcə də humanitar yardım və mülki müdafiə qüvvələrinin çata bilmədiyi bölgələrdə hələ də cansız cəsədlər mövcuddur.
Qeyd edək ki, martın 18-dən etibarən İsrailin birtərəfli qaydada atəşkəsi pozması nəticəsində bu günədək 4402 nəfər ölüb, 13 489 nəfər isə yaralanıb. Ümumilikdə isə, 7 oktybr 2023-cü ildən bu yana baş verən hücumlarda ölənlərin sayı 54 677, yaralananların sayı isə 125 530 nəfərə çatıb.