BAKI, AzerVoice
Roma Papası Fransisk vəfat edib.
AzerVoice xəbər verir ki, Katolik Kilsəsinin ruhani lideri və Vatikanın dövlət başçısı Papa Fransisk bu gün səhər saatlarında vəfat edib.
Vatikanın kamerlengosu Kardinal Kevin Ferrell-in verdiyi
açıqlamaya görə, Papa yerli vaxtla saat 07:35-də dünyasını
dəyişib.
Kardinal Ferrell, Papaya "Roma yepiskopu" deyərək, onun həyatının
Tanrıya və Katolik Kilsəsinə xidmətlə keçdiyini bildirib.
Qeyd edək ki, Papa Fransisk 2013-cü ildə seçilərək, Katolik
Kilsəsinin 1,4 milyarddan çox üzvünün ruhani lideri olmuşdu. Onun
liderliyi dövründə sosial ədalət, yoxsulluqla mübarizə və sülh
təşəbbüsləri ön planda olmuşdur.
Son aylarda səhhətində ciddi problemlər yaşayan Papa, fevral ayında ağır bronxit səbəbilə xəstəxanaya yerləşdirilmişdi və bu, onun sağlamlığı ilə bağlı narahatlıqları artırmışdı .
Papa Fransiskin vəfatı ilə Katolik Kilsəsində yeni papa seçimi üçün konklav prosesi başlayacaq. Bu prosesdə, Papa tərəfindən təyin edilmiş kardinal seçicilər iştirak edəcək və bu, onun mirasının davam etdirilməsi baxımından əhəmiyyətli olacaq. Vatikan, Papa Fransiskin dəfn mərasimi və yeni papa seçimi ilə bağlı detalları yaxın günlərdə açıqlayacaq.
