BAKI, AzerVoice

İsrail ordusu, Livanın cənubunda ələ keçirdiyi mövqelərdən geri çəkilməlidir.

AzerVoice xəbər verir ki, bu barədə BMT-nin Livandakı Müvəqqəti Güvvələrinin (UNIFIL) sözçüsü Andrea Tinetti Livanın "Al-Mayadeen" telekanalına müsahibəsində bildirib.

O qeyd edib ki ki, cənubi Livanda UNIFIL-in mövcudluğu ilə bağlı hər hansı qərar qəbul etmək Beynəlxalq Təhlükəsizlik Şurasının səlahiyyətindədir və hal-hazırda bu məsələdə heç bir müzakirə yoxdur.

O, UNIFIL-in Livanın cənubunda fəaliyyətini davam etdirdiyini və Livan ordusu ilə tam əməkdaşlıq etdiyini bildirib.

"Beynəlxalq Təhlükəsizlik Şurası, UNIFIL-in fəaliyyətinin davam etdirilməsinin zəruriliyini və məqsədini qiymətləndirməyə səlahiyyətlidir" - deyə, o qeyd edib.

"Livan ordusu 1701 saylı qərara əməl edir və UNIFIL ilə əlaqəli olaraq tələb olunan ərazilərdə yerləşir" - deyə, o əlavə edib.

Qeyd edək ki, UNIFIL, 19 mart 1978-ci ildə BMT Təhlükəsizlik Şurasının 425 və 426 saylı qərarları ilə yaradılmışdı. Məqsəd İsrailin Livandan geri çəkilməsini təmin etmək, beynəlxalq sülh və təhlükəsizliyi bərpa etmək və Livan hökumətinə ərazidə faktiki hakimiyyətini bərpa etməyə kömək etmək idi.