BAKI, AzerVoice

Kvinslend Universitetində aparılan yeni tədqiqat göstərir ki, Hind-Sakit okean şüşəburunlu delfinləri özlərinə xas fit səsləri ilə bir-birlərinə təkcə kimliklərini deyil, həm də emosional vəziyyət və sosial məlumatları ötürə bilirlər.

Mütəxəssislərin fikrincə, hər bir delfinin "imza fiti" adlandırılan unikal səs naxışı var və bu səslər ömür boyu dəyişmədən qorunsa da, müəyyən hallarda şüurlu şəkildə modifikasiya olunur. Araşdırmalar 2017–2018-ci illərdə Avstraliyanın Moreton adası yaxınlığında aparılıb.

Alimlər qeyd edir ki, erkək delfinlərin fit səsləri daha çox dəyişkənlik nümayiş etdirir və bu dəyişikliklər həmin anki emosional vəziyyəti, sosial statusu və ya ətraf mühit faktorlarını əks etdirə bilər. Bəzi hallarda isə delfinlərin ortaq fit formalarından istifadə etdiyi müəyyən edilib ki, bu da "qrup imzası" kimi qəbul olunur.

Tədqiqatçılar fit səslərinin funksiyasını insan sifətinə bənzədirlər – üzümüzdəki sabit cizgilər kimliyimizi, mimikalar isə hiss və vəziyyətimizi ifadə etdiyi kimi, delfinlərin fitləri da həm identifikasiya, həm də dinamik ünsiyyət vasitəsidir.

Alimlər bu kəşfin eyni zamanda dəniz səs-kirliliyinin – xüsusilə gəmi səsləri və qazma işlərinin – delfinlərin həssas kommunikasiya sisteminə ciddi təsir göstərdiyini vurğulayır.

Bu yeni yanaşma, dəniz həyatının qorunması və ətraf mühit siyasətlərində fit səslərinin “eşidilən sifət” kimi nəzərə alınmasını təklif edir.