BAKI, AzerVoice

Yaponiyanın JAXA kosmik agentliyinin məlumatlarına görə, Arktikada buz örtüyü 2025-ci ildə 40 ilin ən aşağı səviyyəsinə çatacaq. Şizuku peykindən aparılan ölçmələr bu il buz örtüyünün 13,79 milyon kvadrat kilometrlə məhdudlaşdığını üzə çıxarıb.

JAXA və Yaponiya Qütb Tədqiqatları İnstitutunun birgə araşdırması göstərir ki, Şimal Buzlu Okeanında buzlaqların əriməsi qorxulu həddə çatıb. Peyk məlumatları 20 mart 2025-ci ildə qeydə alınan maksimum buz səviyyəsinin son 4 onillikdə ən aşağı olduğunu sənədləşdirdi.

Yaponiyanın kosmik müşahidə peyki Şizukudan alınan məlumatlar Arktikada rekord qıran buzlaqların əridiyini aşkar edib. 2025-ci ildə aparılan ölçmələr sübut etdi ki, buz örtüyü 40 illik müşahidə tarixində ən aşağı səviyyəyə düşüb.
Bu rəqəm 2017-ci ildə müəyyən edilmiş əvvəlki rekorddan 130 min kvadrat kilometr aşağı idi və 1979-cu ildən bəri saxlanılan məlumatların işığında ən aşağı maksimum sahə olaraq qeyd edildi. Alimlər 2024-cü ilin dekabrından 2025-ci ilin fevralına qədər hər ay üçün orta buz sahəsinin də indiyədək müşahidə edilən ən kiçik səviyyələrdə olduğunu vurğuladılar.
JAXA və digər qurumların təhlil qrupları qeyd ediblər ki, orta səviyyədən yuxarı temperatur buzun yayılmasının məhdudlaşdırılmasında təsirli olub. Arktikanın buz örtüyünün son 40 ildə ən aşağı səviyyədə olduğunu bildirən JAXA prezidenti Yamakava Hiroşi bu vəziyyətin əsas səbəbinin iqlim dəyişikliyi olduğunu bildirib.

Yamakava Hiroşi, "Bu inkişaflar hava və dəniz mühitini ciddi şəkildə təsir edir. Biz bir qurum olaraq monitorinq və təhlil işlərimizi fasiləsiz davam etdirəcəyik" dedi.