BAKI, AzerVoice
HƏMAS, ABŞ Prezidenti Donald Trampın xüsusi nümayəndəsi Stiven Uitkoff tərəfindən Qəzza zolağında vəziyyətin nizamlanması ilə bağlı təqdim olunan yeni təklifi qəbul etdiyini və hazırda onun məzmununu araşdırdığını bildirib.
AzerVoice xəbər verir ki, bu barədə HƏMAS-ın Telegram kanalında yayımlanan bəyanatda deyilir.
“HƏMAS rəhbərliyi Uitkoffun yeni təklifini alıb və bu məsələni tam məsuliyyətlə təhlil edir” – deyə, bəyanatda qeyd olunub.
Qeyd edək ki, bundan əvvəl HƏMAS Uitkoffla Qəzza üzrə ümumi razılaşma çərçivəsində razılığa gəldiyini açıqlamışdı. Bu razılaşmaya əsasən, HƏMAS 10 israilli girovu azad etməyə və bir neçə həlak olmuş şəxsin cəsədini qarşı tərəfə təhvil verməyə hazırdır. Lakin təhvil veriləcək cəsədlərin dəqiq sayı açıqlanmayıb.
