BAKI, AzerVoice
Qəzzaya ilk yardım maşınları 81 günlük blokadadan sonra daxil olub.
AzerVoice xəbər verir ki, Qəzza
zolağında 81 gün davam edən blokadadan sonra ilk dəfə olaraq 87
yardım maşını bölgəyə buraxılıb.
Bu barədə Qəzza hökumətinin media ofisinin rəhbəri İsmayıl
əl-Savabite məlumat verib.
Savabite bildirib ki, yardım beynəlxalq və yerli humanitar təşkilatlar tərəfindən bölgədə ehtiyac içində olan əhaliyə paylanacaq.
Qəzza Şəxsi Nəqliyyatçılar Dərnəyinin sədri Nahid Şuhaybir isə ümumilikdə 92 yük maşınının daxil olduğunu bildirib. Onun sözlərinə görə, bu maşınlardan 75-i cənub və mərkəzi bölgələrdə yerləşən çörəkxanalara un çatdırıb. Yardımlar Kerem Əbu Səlim sərhəd-keçid məntəqəsi vasitəsilə bölgəyə daxil olub.
Şuhaybir qeyd edib ki, Netzarim dəhlizindən keçid təmin olunmayıb, çünki İsrail ordusu bu yolu bağlı saxlayır. Həmçinin, 12 yük maşını UNICEF tərəfindən təmin olunan uşaqlar üçün əlavə qidaları, 5 maşın isə Birləşmiş Ərəb Əmirlikləri tərəfindən göndərilən şəkər və digər ərzaq məhsullarını daşıyıb.
Qəzza hökumətinin Media Ofisi bildirib ki, bölgənin təcili olaraq gündəlik ən azı 500 yardım və 50 yanacaq maşınına ehtiyacı var. Qurum İsrailin sərhəd qapılarını bağlamasının aclıq böhranını daha da dərinləşdirdiyini vurğulayıb. media o
Avstriyanın xarici işlər naziri Beate Meinl-Reisinger Avropa İttifaqının İsraillə mövcud ticarət razılaşmalarını nəzərdən keçirmək qərarına dəstək verdiyini açıqlayıb və Qəzzadakı vəziyyəti “dözülməz” adlandırıb.
Eyni gün Qəzza hökuməti bəyan edib ki, İsrail yardım maşınlarının Kerem Əbu Səlim sərhəd-keçid məntəqəsindən keçidinə 3-cü gün ardıcıl olaraq maneə yaradır və bu, beynəlxalq öhdəliklərlə ziddiyyət təşkil edir.
İsrail ordusu isə bölgədə hücumlarını genişləndirdiyini açıqlayıb. Quru əməliyyatları ilə paralel olaraq, xüsusilə Qəzzanın şimalında, flayerlər vasitəsilə fələstinlilərdən cənuba doğru hərəkət etmələri tələb olunur.
BMT, insan haqları təşkilatları və beynəlxalq yardım qurumları quru əməliyyatlarının mövcud humanitar vəziyyəti daha da ağırlaşdıracağı barədə xəbərdarlıq ediblər.
İsrail mətbuatı isə İsrailin Qəzzanın cənubunda düşərgələrin qurulduğu və burada məhdud humanitar yardımın paylanacağını yazıb. Peyk görüntüləri Rəfah şəhərində geniş ərazilərin hamarlanaraq bu məqsədlə hazırlandığını göstərir.
