12
BAKI, AzerVoice
Qəzzada İsrailin son hücumlarında azı 78 fələstinli həlak olub.
AzerVoice xəbər verir ki, İsrail
ordusunun Qəzza zolağında yerləşən yaşayış məntəqələri, qaçqın
düşərgələri və mülki sığınacaqlara qarşı həyata keçirdiyi son
hücumlarda azı 78 fələstinli həyatını itirib, çoxlu sayda insan isə
yaralanıb.
Xəstəxana mənbələrinin və hadisə şahidlərinin verdiyi məlumata
görə, hücumlar əsasən məcburi köçkünlərin sığındığı məktəblər,
evlər və çadırlara yönəlib.
Qeyd edək ki, beynəlxalq təşkilatların xəbərdarlıqlarına baxmayaraq, İsrailin Qəzzada mülki əhalini hədəf alan hücumları davam edir. Hücumlar nəticəsində məcburi köçkünlərin və mülki şəxslərin sığındığı ərazilər dağıdılır, humanitar böhran daha da dərinləşir.
