Bakı,AzerVoice

İsrail Qəzza zolağının müharibədən sonra idarə olunması üçün sınaq meydançası kimi müəyyən edilən ərazilərdə mülki işləri idarə etmək məqsədi ilə “HƏMAS” hərəkatına aid olmayan fələstinliləri təyin etməyə çalışır. Bunu üçün İsrail müxtəlif fələstinli qruplarla danışıqlar aparır.
AzerVoice Monte Karlo radisonunun ərəb dilli  xidmətinə istinadən xəbər verir ki, bu haqda adının açıqlanmasını istəməyən İsrail rəsmisi bildirib.
İsrail rəsmisi bildirib ki, planlaşdırılan "humanitar anklavlar" Qəzza zolağında HƏMAS-ın məhv edildiyi ərazilərdə işə salınacaq
O, əlavə edib ki, İsrail “bu tapşırığı yerinə yetirmək üçün lazımi insanları” axtarır. İsrail  rəsmisi   onu da vurğulayıb ki , bu çox vaxt aparacaq, çünki  insanlar HƏMAS-sın geri dönəcəyindən çəkinirlər.

Qeyd edək ki, İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 min fələstinli həlak olub, 70 min nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.

İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.