BAKI,AzerVoice, Fərid Mikayılov
İranın İslam İnqilab Keşikçiləri Donanması (SEPAH) Makranın cənub sahilində məhkəmə qərarı ilə bir neft tankerini ələ keçirib.
AzerVoice xəbər verir ki, SEPAH-dən verilən açıqlamada əməliyyatın “qanuni öhdəliklər çərçivəsində və İranın milli maraqlarının və resurslarının qorunması məqsədilə” həyata keçirildiyi bildirilib.
Açıqlamada qeyd olunub ki, Marşal Adaları bayrağı altında üzən "Talara" tankeri cümə günü səhər saatlarından etibarən SEPAH qüvvələri tərəfindən müşahidə olunub. Tankerin üzərində məhkəmə qərarına əsasən həbs əməliyyatı aparılıb.
Tanker Sinqapura gedən 30 min ton kimyəvi məhsul ilə yüklü idi və qanun pozuntularının araşdırılması üçün sularda dayandırılıb yoxlanışdan keçirildi. Yoxlamalar zamanı müəyyən edilib ki, gəmi “icazəsiz yük daşıyırdı”.