BAKI,AzerVoice

Fatimi xəlifəsi Müiz Lidinillahın 970-972-ci illərdə Cümə məscidi kimi inşa etdirdiyi və İslam dünyasının müasir dövrə çatmış ən qədim dini tədris qurumu sayılan Qahirədəki məscid və külliyə.
Fatimi dövründə əsas fəaliyyət istiqaməti məscid və tədris qurumu olmaqla yanaşı, Əzhərdə həm də mövlud və digər dini mahiyyətli mərasimlər dövlət xadimlərinin iştirakı ilə xüsusi qaydada həyata keçirilirdi. Səlahəddin Əyyubinin əmri ilə Cümə məscidi kimi fəaliyyəti dayandırılan, yalnız tədris qurumu kimi fəaliyyət göstərən Əzhərdə Məmlük dövləti zamanı yenidən Cümə namazları qılınmağa başlandı və o, hökmdarların xüsusi diqqəti sayəsində əvvəlki şöhrətinə qovuşdu. Şərqdə monqol işğalından, Qərbdə xristian dövlətlərin təzyiqindən Misirə sığınan İslam alimləri Əzhərin şöhrətinin artmasında rol oynadılar. Fransız və ingilis işğalları xaric, Əzhər Osmanlılar dövründə də dini tədris qurumu kimi əhəmiyyətini qorudu. XX əsrin əvvəllərindən başlayan, 1960-cı illərdə aparılan təhsil islahatları nəticəsində Əzhər yalnız dini və filoloji elmlərin deyil, tibb, mühəndislik, kənd təsərrüfatı, əczaçılıq, təhsil və digər fakültələrin fəaliyyət göstərdiyi müasir tədris qurumuna çevrildi.

Əzhərin quruluş illərindən etibarən burada dərs deyən məşhur alimlərdən bəziləri bunlardır: Qadı Əbül-Həsən Əli b. Məhəmməd b. Nüman, əl-Əminul-Muxtar Əbdülməlik b. Məhəmməd əl-Harrani, Əbu Abdullah əl-Kundai, Həsən b. Hatir əl-Farisi, Əbull-Abbas Əhməd b. Haşim əl-Mirsi və sairə