Bakı,AzerVoioce
Livanda döblət içində dövlət hesab edilən Hizbullah 8 oktyabrda ölkənin cənubunda başladığı 'Qəzzəyə dəstək' müharibəsinə silahlı qrup və təşkilatları daxil etməklə yanaşı, başlatdığı media kampaniyası ilə mülki insanları da müharibəyə cəlb etmək mərhələsinə qədəm qoyub.
Hizbullah bu kampaniya ilə vətəndaşları müharibəyə qoşulmağa və müharibəni davam etdirmək üçün raket və silahların alınması üçün sədəqə və ya ianə verməyə çağırıb.
Kampaniya insanları İsrailə qarşı müharibənin bir hissəsi olmağa çağırsa da, Hizbullaha bağlı bir fəal sosial mediada “Ən yaxşısı odur ki, müqavimət insansız hava vasitələrinin (PUA) istehsalına töhfə vermək üçün qapını açsın. Hizbullah olaraq İHA layihəsinə start verə bilərsiniz” –deyə yazıb.
Qeyd edək ki,Hizbullahın baş katibi Həsən Nəsrullah 2022-ci ilin fevral ayında etdiyi çıxışda təçkilatın 'Livanda PUA istehsal etməyə başladığını və İHA-ların minlərlə hədəfi dəqiq zərbələrlə məhv etmək qabiliyyətinə sahib olduğunu' açıqlamışdı. Nəsrullah hələ o vaxt bu İHA-ları satmağı da hədəfləyirdi.
Kampaniyanın tanıtım plakatında Hizbullahın rəsmi orqanı olan “Müqavimətə Dəstək Təşkilatı” ifadəsi və “donorların” zəng edə biləcəyi telefon nömrələri belə qeyd olunur.
Livanda və eləcə İranın proksi güclərinin oylağına çevrilən bir sıra ölkələrdə kampaniya haqqında müxtəlif fikirlər söylənilib.
Bəziləri bunu “İsraili yer üzündən silə biləcək hərbi gücə sahib olduqlarını iddia edənlərin zəifliyinin ifadəsi”, bəziləri isə “şiə mühitinin dəstəyini sınamaq üçün səfərbərlik kampaniyası” kimi qiymətləndirib.
Livan parlamentinin sədri Nəbih Bərri bu kampaniyanı daha fərqli qəbul edərək, “ Livanın cənubunda infrastrukturun bərpa edilməsi üçün istifadə ediləcəyi” düşüncəsində olduğunu bildirib. Bərri qeyd edib ki, Livanın cənubunu dost, qardaş və müttəfiq ölkələrin dəstəyi ilə bərpa edəcəklərinə ümid edir.
Sabiq millət vəkili Faris Səid isə Bərri ilə Hizbullahən fikirləri arasında ciddi ziddiyətin olduğunu qyed edərək bildirib ki, “Kampaniay olduqca narahatedicidir . “Bir tərəfdən ölkənin cənubunu yenidən qurmaq üçün yalvaran parlamen sədri, digər tərəfədən isə silah almaq üçün dilənən Hizbullah var”-deyə Səid qeyd edib.
Məsələ ondadır ki, Hizbullahın seçdiyi münaqişə, ilk növbədə, İsrailin Qəzza zolağına müdaxiləsinin qarşısını almaq və HƏMAS-ın mkanlarını qoruyub saxlamaq məqsədi güdürdü. Lakin Hizbullah bu məqsədlərindən heç birinə nail ola bilmədi.
Yeganə qazanc şimaldakı israillilərin Livan sərhədinə bitişik yaşayış məntəqələrindən qovulması olsa da, bu müharibə Cənubi Livanın 40-dan çox şəhərində böyük dağıntılara səbəb oldu. Müharibə sakinləri didərgin saldı və təxminən 500 livanlı mülki vətəndaşı və Hizbullah döyüşçüsü öldürdü.
