BAKI, AzerVoice, Nailə Babazadə

İstanbul Mütəşəkkil Cinayətlərə Qarşı Mübarizə Şöbəsi son bir ay ərzində şəhər ərazisində cinayət təşkilatlarının fəaliyyətini ifşa etmək və şübhəliləri həbs etmək üçün geniş əməliyyatlar həyata keçirib.

AzerVoice xəbər verir ki, əməliyyatlar çərçivəsində Avcılar, Bahçelievler, Bayrampaşa, Beşiktaş, Esenler, Esenyurt, Eyüpsultan, Fatih, Gaziosmanpaşa, Güngören, Kağıthane, Küçükçekmece, Pendik, Sarıyer, Sultangazi, Şişli və Ümraniye rayonlarında 145 şübhəli saxlanılıb. Onlar arasında iş yeri güllələnməsi, hədələmə, soyğunçuluq, qəsdən yaralama və silah qanunsuz istehsalı və qaçaqçılığı ilə məşğul olanlar da var.

Əməliyyatlar zamanı 123 tabanca, 187 boş tabanca, 6 uzun silah, 7 avtomatik tabanca, ov tüfəngi, 567 mərmi, 911 silah mexanizmi, 680 lülə və əl bombasının ələ keçirildiyi bildirilib.

Polisdəki ilkin araşdırmalardan sonra 106 şübhəli məhkəməyə təqdim olunub. Onlardan 81-i həbs edilib, 22-si məhkəmə nəzarəti ilə azad buraxılıb, 3-ü isə digər səbəblərlə sərbəst buraxılıb. Hələ 39 şübhəli barəsində araşdırmalar davam edir.

İstanbul Polis İdarəsinin rəisi Selami Yıldız jurnalistlərə açıqlamasında bildirib ki, polis bütün cinayət qruplarına qarşı qətiyyətlə mübarizə aparır. Yıldız həmçinin qeyd edib ki, İstanbulda son bir il ərzində cinayət təşkilatlarının iştirak etdiyi hadisələr 49 faiz azalıb və polis bu mübarizəni eyni əzmlə davam etdirir.