BAKI, AzerVoice, Nailə Babazadə
Ankaranın Ulus bölgəsində yerləşən Ankara Sosial Elmlər Universitetinin (ASBÜ) kampus binasında yanğınsöndürmə sistemində qaz sıxışması nəticəsində partlayış baş verib.
AzerVoice xəbər verir ki, Hadisə bu gün günorta saatlarında qeydə alınıb. İlkin məlumatlarda təbii qaz partlayışı olduğu bildirilsə də, hadisə yerinə gələn yanğınsöndürmə və Başkentqaz əməkdaşları binanı yoxladıqdan sonra təbii qaz sızmasının baş vermədiyini açıqlayıblar.
Araşdırmalar nəticəsində məlum olub ki, binanın zirzəmi qatında yanğınsöndürmə sistemi avtomatik şəkildə işə düşüb və sistemdən çıxan qazın xaricə yayılması nəticəsində 5 tələbə və 1 texniki işçi qazdan zəhərlənərək xəstəxanaya aparılıb.
Hazırda hadisə ilə bağlı araşdırma aparılır.