BAKI, AzerVoice, Nailə Babazadə
Türkiyə Sənaye və Texnologiya Nazirliyi ilə Türkiyə Texnologiya Komandası Vəqfinin (T3 Vəqfi) təşkilatçılığı, TRT-nin isə informasiya tərəfdaşı olduğu, dünyanın ən böyük aviasiya, kosmos və texnologiya festivalı olan TEKNOFEST, İstanbul Atatürk Hava Limanında ziyarətçiləri qəbul edir.
AzerVoice xəbər verir ki, festival çərçivəsində, başda ASELSAN, ROKETSAN və TÜBİTAK SAGE olmaqla, Türkiyə müdafiə sənayesinin aparıcı şirkətləri tərəfindən hazırlanmış Çelik Kubbe məhsulları böyük maraqla qarşılanıb.
Ərazidə Türkiyənin yerli və milli imkanlarla istehsal etdiyi aşağı və orta irtifalı hava hücumundan müdafiə sistemi HİSAR, taktiki mobil həll olan TURAN 100 BR-OM, yeni nəsil anti-PUA sistemi EJDERHA, aşağı irtifada hava hücumundan müdafiə ehtiyaclarını qarşılayan silahlı hava hücumundan müdafiə sistemi KORKUT və radar sistemi AKREP nümayiş olunur.