BAKI, AzerVoice, Nailə Babazadə
Avropa İttifaqı (Aİ) Kanadanın 150 milyard avro dəyərindəki “Avropa Təhlükəsizlik Fəaliyyəti” (SAFE) ortaq müdafiə maliyyələşdirmə proqramına qatıldığını açıqlayıb.
AzerVoice xəbər verir ki, Aİ Komissiyası Prezidenti Ursula fon der Leyen sosial media paylaşımında, Kanadanın proqramda iştirakının təsdiqləndiyini bildirərək, “Xoş gəlmisiniz Kanada” sözlərini deyib.
Proqram çərçivəsində Kanada Aİ xaricində xüsusi hüquqlara malik yeganə ölkə olacaq və bu iştirak Kanadalı şirkətlər üçün müdafiə sahəsində milyardlarla dollarlıq imkanlar yaradacaq. SAFE proqramı, iştirakçı ölkələr arasında ortaq tədarükləri gücləndirməklə, müdafiə sənayesini inkişaf etdirməyi və təhlükəsizliyi artırmağı hədəfləyir.
Kanada Baş Naziri Mark Carney bildirib ki, proqram NATO müttəfiqləri ilə uyumlu əməkdaşlığı sürətləndirəcək, kritik müdafiə qabiliyyət boşluqlarını aradan qaldıracaq və Kanadalı istehsalçılar üçün yeni bazar imkanları yaradacaq.