BAKI, AzerVoice, Nailə Babazadə
Türkiyənin qlobal mobilite texnologiya markası Togg, ikinci ağıllı avtomobili T10F modelini daxili bazarda satışa çıxarıb. Şirkətin elanına görə, sifarişlər artıq qəbul olunur və avtomobil bir neçə fərqli texniki versiya ilə təqdim edilir.
Qiymət və modellər
Yeni model müxtəlif seçimlərlə müştərilərə təklif olunur:
V1 RWD standart məsafə – 1 milyon 860 min lirə
V1 RWD uzun məsafə – 2 milyon 170 min lirə
V2 RWD uzun məsafə – 2 milyon 345 min lirə
Texniki xüsusiyyətlər
T10F modeli arkadan itişli (RWD) versiyalarda təqdim olunur və 160 kW (218 at gücü), 350 Nm fırlanma anı gücü hasil edir.
Avtomobil iki fərqli batareya seçimi ilə satışa çıxarılıb:
52,4 kWh batareya – 350 km məsafə imkanı
88,5 kWh batareya – 623 km məsafə imkanı
Şarj üstünlükləri
T10F sürətli şarj texnologiyası ilə təchiz edilib. Bu xüsusiyyət sayəsində avtomobilin batareyası cəmi 28 dəqiqə ərzində 20%-dən 80%-ə qədər doldurula bilir. Bu göstərici istifadəçilərə həm şəhərdaxili, həm də uzun məsafəli səyahətlərdə rahatlıq təmin edir.
Yerli avtomobil sənayesində yeni mərhələ
Togg T10F, markanın ilk modeli olan T10X-dən sonra istehsala buraxılan ikinci avtomobildir. Şirkət bu addımla yalnız daxili bazara deyil, həm də beynəlxalq arenaya çıxışını gücləndirməyi hədəfləyir. Mütəxəssislərin fikrincə, Togg-un yeni modeli həm texnologiyası, həm də dizaynı ilə Türkiyənin elektrikli avtomobil sənayesində rəqabət gücünü artıracaq.
