BAKI, AzerVoice, Səməd Əyyubov
Ötən il dekabrın 8-dən sonra Türkiyədən ümumilikdə 474 min 18 suriyalı öz ölkələrinə geri qayıdıb.
AzerVoice xəbər verir ki, bu barədə Türkiyənin daxili işlər naziri Ali Yerlikaya məlumat verib.
Nazir bildirib ki, Suriyada baş verən son hadisələrdən sonra könüllü geri dönüş prosesi sürətlənib.
“2024-cü il dekabrın 8-dən sonra baş verən hadisələrlə birlikdə könüllü geri dönüşlər daha da artdı. Bu tarixdən etibarən 474 min 18 suriyalı geri qayıtdı. 2016-cı ildən bəri isə ümumilikdə 1 milyon 213 min 620 nəfər könüllü şəkildə ölkəsinə dönüb” - deyə, A. Yerlikaya qeyd edib.
O əlavə edib ki, Türkiyə miqrasiya siyasətini prezident Rəcəb Tayyib Ərdoğanın rəhbərliyi altında tarixi təcrübə, humanist yanaşma və rasional baxış əsasında həyata keçirir və bu model dünyaya nümunə ola biləcək bir sistemdir.
Qeyd edək ki, suriyalıların geri dönüş prosesi Türkiyə Miqrasiya İdarəsinin koordinasiyası ilə həyata keçirilir.