BAKI, AzerVoice, Nərmin Ağayeva

Türkiyə Müdafiə Sənayesi Başçısı Haluk Görgün, ölkənin idxalçıdan istehsalçı və ixracatçı bir aktyora çevrildiyini elan edib.

AzerVoice xəbər verir ki, Haluk Görgün Rabitə Müdirliyində keçirilən “Köklərdən Üfüqlərə: Türk Müdafiə Sənayesinin Yükseliş Hekayəsi” panelində çıxış edərək, Türkiyənin müdafiə sənayesindəki transformasiyasını vurğulayıb.

Görgün, “Bu gün Türkiyə idxal sistemlərinin istifadəçisindən öz yerli sistemlərini dizayn edən, istehsal edən və ixrac edən bir oyunçuya çevrilib,” – deyə bildirib.

O, Türkiyənin Qurtuluş Savaşı ruhu ilə bugünkü yüksək texnologiya nailiyyətləri arasında əlaqə olduğunu qeyd edərək, müdafiə sənayesinin iqtisadi, hərbi və diplomatik gücə çevrildiyini vurğulayıb. Görgün, 3,500-dən çox şirkət və 100,000-ə yaxın işçinin dəstəyi ilə yerli istehsal nisbətinin 83%-ə çatdığını, 2024-cü ildə isə ixracatın 29% artaraq 7.1 milyard dollara yüksəldiyini açıqlayıb.

Görgün, “Milli Texnologiya Təşəbbüsü” ilə insansız sistemlər, elektron müharibə, kibertəhlükəsizlik və peyk texnologiyaları kimi sahələrdə Türkiyənin texnologiya istehsal edən bir ölkəyə çevrildiyini qeyd edib. İyul 2025-ci ildə ixracatın 128.4% artaraq 989.6 milyon dollara çatdığını, ilin ilk yeddi ayında isə 4.59 milyard dollara yüksəldiyini bildirib.

Sədr müavini Ferhat Pirinççi isə “Türkiyə Əsri” vizyonu ilə İHA-lardan döyüş təyyarələrinə və gəmilərə qədər geniş istehsalın davam etdiyini, Türkiyənin dünyada ixracat baxımından 11-ci yerə yüksəldiyini vurğulayıb.