BAKI, AzerVoice, Orxan Qədirzadə
Edirne cəzaçəkmə müəssisəsində olan HDP-nin keçmiş həmsədri Selaheddin Demirtaş, onunla bağlı Avropa İnsan Hüquqları Məhkəməsinin qərarını dəyərləndirən MHP sədri Devlet Bahçelinin açıqlamasına münasibət bildirib.
AzerVoice xəbər verir ki, Demirtaş, Bahçelinin “həbsdən çıxması Türkiyə üçün xeyirli olacaq” sözlərini alqışlayaraq təşəkkür edib.
“MHP sədrinin yanaşması göstərdi ki, tabular dağıla bilər və qorxu siyasəti ilə sülh qurulmur,” – deyə Demirtaş deyib.
Sabiq HDP rəhbəri açıqlamasında həmçinin bildirib ki, “Eyni mövqe prezident Ərdoğan tərəfindən də dəstəklənir. Bizə düşən prosesə tərəddütsüz dəstək verməkdir. Qalan bütün məsələləri demokratik siyasət çərçivəsində həll etməyə çalışacağıq, lakin ilk növbədə sülh lazımdır.”