BAKI, AzerVoice, Səməd Əyyubov – Türkiyə Xarici İşlər Naziri Hakan Fidan, Misir Xarici İşlər Naziri Bədr Əbdül Ati ilə telefon danışığı aparıb.
AzerVoice xəbər verir ki, bu barədə Türkiyənin Xarici İşlər Nazirliyindən mənbələr məlumat verib.
Məlumata əsasən, söhbət zamanı Qəzzaya humanitar yardımın çatdırılması və atəşkəs danışıqları müzakirə olunub.
Bundan əvvəl, Fidan Qətərin Baş naziri və Xarici İşlər naziri Şeyx Məhəmməd bin Əbdurrəhman Əl Tani ilə telefon danışığı aparmışdı. Söhbət zamanı Qəzza zolağında atəşkəsin təmin olunması ilə bağlı səylər müzakirə olunmuşdu.
