BAKI, AzerVoice
PKK terror təşkilatı İraqın Süleymaniyyə şəhərində təşkil edilən mərasimlə silahlarını yerə qoyub.
AzerVoice xəbər verir ki, hadisə ilə bağlı Ədalət və İnkişaf Partiyasının (AKP) sözçüsü Ömər Çelik açıqlama verib.
Çelik açıqlamasında, “Bu mərhələdə “Terrordan azad Türkiyə” hədəfinə çatmaq üçün kritik mərhələ keçilib. Bundan sonra PKK-nın bütün qolları və qeyri-qanuni strukturları da daxil olmaqla məhv edilməsi, silahların yandırılması/geri qaytarılması prosesi qısa müddət ərzində tamamlanmalıdır”.
Qeyd edək ki, bu gün Süleymaniyyədə PKK-nın ilk silah buraxma mərasimi keçirilib və prosesin mərhələli şəkildə davam etdirilməsi planlaşdırılır.