BAKI,
AzerVoice
Qırmızı bülletenlə axtarılan 13 cinayətkar Türkiyəyə gətirilib.
AzerVoice xəbər verir ki, Türkiyə
Daxili İşlər naziri Ali Yerlikaya sosial şəbəkədə etdiyi paylaşımda
beynəlxalq səviyyədə axtarılan 15 cinayətkarın ölkəyə ekstradisiya
olunduğunu açıqlayıb.
Onlardan 13-nün İnterpolun qırmızı bülletenlə axtarış siyahısında
olduğu bildirilib.
Nazir bildirib ki, həmin şəxslər Gürcüstan (10), Yunanıstan (2), İngiltərə, Almaniya və Şimali Makedoniya kimi ölkələrdə ələ keçirilib və Türkiyəyə təhvil verilib. Onların sırasında adam öldürmə, uşaq istismarı, silahlı soyğunçuluq və saxtakarlıq kimi ağır cinayətlərdə ittiham olunan şəxslər də var.
Nazir Yerlikaya əməliyyatın Ədliyyə Nazirliyinin koordinasiyası, eləcə də KOM, Kəşfiyyat, Narkotik, TEM və digər təhlükəsizlik qurumlarının əməkdaşlığı ilə həyata keçirildiyini bildirib.
“Bu kabinet dövründə 398 cinayətkarın ölkəmizə ekstradisiyası təmin olunub. Hansı ölkəyə qaçsalar da, heç biri Türkiyə polisindən gizlənə bilməz.” - deyə nazir açıqlayıb.
Qeyd edək ki, əməliyyat çərçivəsində “qəsdən adam öldürmə”, “uşaqlara qarşı cinsi istismar”, “mütəşəkkil cinayət təşkilatına üzvlük”, “silahlı soyğunçuluq”, “saxtakarlıq” kimi maddələrlə axtarışda olan şəxslər beynəlxalq hüquqi əməkdaşlıq vasitəsilə geri gətirilib. Türkiyə hökuməti belə əməliyyatların davam etdiriləcəyini bildirir.
