BAKI,AzerVoice
Türkiyənin Xarici İşlər Naziri Hakan Fidan, 6-7 iyul tarixlərində Braziliyada keçiriləcək 17-ci BRİKS Liderlər Zirvəsində Rəcəb Tayyip Ərdoğanı təmsil edəcək.
AzerVoice xəbər verir ki, Fidan, üzv olmayan ölkələrin də dəvət olunduğu "Çox Tərəfli Yanaşmanın Gücləndirilməsi, İqtisadi-Maliyyə Məsələləri və Süni İntellekt" və "Ətraf Mühit, COP30 və Qlobal Sağlamlıq" mövzuları ilə bağlı sessiyalarda iştirak edəcək.
Fidanın iştirak edəcəyi sessiyalarda, qlobal çətinliklərin həllində çox tərəfli yanaşmanın qorunması və effektivliyinin artırılmasının vacibliyini vurğulaması, BRİKS platformasının rolunu önə çıxarması, Türkiyənin xüsusilə Qəzza da daxil olmaqla Yaxın Şərqdəki böhranlara qarşı prinsipial, konstruktiv və humanitar yanaşmasını açıqlaması və İsrailin təcavüzkarlığının regional sülh, təhlükəsizlik və inkişaf baxımından yaratdığı təhdidləri diqqətə çatdırması gözlənilir.
Türkiyənin qlobal rifahın yalnız əməkdaşlıq, dialoq və sabitlik əsaslı yanaşmalarla əldə edilə biləcəyini; hərbi münaqişələrin və ticarət müharibələrinin bu məqsədə xidmət etmədiyini vurğulaması gözlənilən Fidan, ədalətli və proqnozlaşdırıla bilən bir beynəlxalq ticarət sisteminin əhəmiyyətinə diqqət yetirəcək.
Fidanın, iqlim dəyişikliyi, ətraf mühit, davamlı inkişaf və qlobal sağlamlıq məsələlərində ortaq məsuliyyət anlayışı ilə hərəkət edilməsinin vacibliyini vurğulaması və Türkiyənin bu sahələrdəki konkret töhfələrini paylaşması Türkiyənin iqlim dəyişikliyi ilə mübarizə çərçivəsində həyata keçirdiyi layihələr və hazırladığı hüquqi tənzimləmələrə toxunması gözlənilir.
Türkiyənin davamlı bir süni intellekt və qabaqcıl texnologiya ekosistemi qurmağa yönəlmiş vizyonunu paylaşacaq olan Fidanın, qlobal səviyyədə yoxsulluğu azaltmaq, bərabərsizliyi aradan qaldırmaq və ölkələr arasındakı inkişaf uçurumunu aradan qaldırmaq üçün daha həssas və inkluziv çox tərəfli sistemlərin vacibliyini ifadə etməsi planlanır.
Fidanın, Zirvə çərçivəsində ikitərəfli görüşlər keçirməsi də planlaşdırılır.
Zirvənin ilk günü, üzv ölkələrin iştirakı ilə "Sülh və Təhlükəsizlik, Qlobal İdarəetmə İnqilabı" mövzusunda sessiya keçiriləcək.
Hakan Fidanın qatılacağı sessiyalarda 11 üzv, 10 ortaq və Türkiyə də daxil olmaqla 8 dəvətli ölkə ilə yanaşı, 9 beynəlxalq və regional təşkilatın nümayəndələri iştirak edəcək. Türkiyə ilə birlikdə Azərbaycanın, Fələstinin, Keniya, Kolumbiya, Meksika, Çili və Uruqvayın da dəvət edilən ölkələr arasında yer aldığı bildirilir.
Sessiyalar çərçivəsində geosiyasi məsələlər, çox tərəflilik, iqtisadi inkişaflar, süni intellekt, ətraf mühit və qlobal sağlamlıq daxil olmaqla müxtəlif mövzular müzakirə ediləcək.