BAKI, AzerVoice
Antalyanın Kumluca bölgəsində meşə yanğını baş verib, söndürmə işləri havadan və qurudan davam etdirilir
AzerVoice xəbər verir ki, Antalyanın Kumluca rayonunun Sarıcasu məhəlləsində meşəlik ərazidə baş verən yanğının söndürülməsi üçün havadan və qurudan intensiv müdaxilə aparılır.
Yanğın bu gün yerli vaxtla saat 11:30 radələrində yaxınlıqda istixanaların yerləşdiyi ərazidə başlayıb. Əraziyə dərhal Yanğınsöndürmə İdarəsi və Meşə Təsərrüfatı İdarəsinin əməkdaşları cəlb olunub.
Müdaxiləyə yanğınsöndürmə vertolyotu da qoşulub. Hazırda yanğının nəzarət altına alınması istiqamətində işlər davam etdirilir.
Qeyd edək ki, hazırda bölgədə küləyin təsiri səbəbindən alovun yayılma riski qalır, bu isə söndürmə işlərini çətinləşdirir.