BAKI, AzerVoice

Cizrə rayonu Türkiyədə terrorun izlərindən təmizlənərək nümunəvi və dinc bir yaşayış məntəqəsinə çevrilib.

AzerVoice xəbər verir ki, 2015–2016-cı illərdə baş verən terror hadisələrindən sonra ciddi dağıntılara məruz qalan Şırnak şəhər mərkəzi və Cizrə rayonu dövlət tərəfindən yenidən qurulub.

Ətraf Mühit, Şəhərsalma və İqlim Dəyişiklikləri Nazirliyinin və Mənzil İnşaatı İdarəsinin (TOKİ) təşəbbüsü ilə bölgədə ümumilikdə 8785 yeni ev tikilib. Onlardan 5716-sı Şırnak şəhərində, 3069-u isə Cizrə rayonunda yerləşir. Evlərlə yanaşı, məscidlər, məktəblər, iş yerləri və digər sosial obyektlər də vətəndaşların istifadəsinə verilib.

“Cizrə böyük bir çiçək bağçasına bənzəyir. Rayonumuzdakı bütün pis izləri sildik, yeni bir həyat qurduq. İndi bu torpaqlarda yalnız sülh var. Terrorsuz Türkiyə…” - deyə Nazir Murat Kurum sosial media paylaşımında qeyd edib.

Qeyd edək ki, Cizrə rayonu illər öncə terror hadisələrinin mərkəzi kimi tanınsa da, bu gün Türkiyənin sülh və yenidənqurma nümunəsinə çevrilib.