BAKI,AzerVoice

Türkiyədə fəaliyyət göstərən kitabxana sayı 2024-cü ilin sonunda 44 min 829 olaraq qeydə alındı.

AzerVoice xəbər verir ki, bu barədə Türkiyə Statistika Komitəsi (TÜİK) açıqlama verib.

"Kitabxana Statistikası"na görə, ölkə üzrə 2024-cü il sonunda, Prezidentin Millət Kitabxanası və Milli Kitabxana ilə yanaşı 1301 xalq, 637 universitet və 42 min 889 təhsil müəssisəsinin kitabxanası fəaliyyət göstərir.

Prezidentin Millət Kitabxanasındakı kitab sayı 2024-cü ildə 3,2 faiz artaraq 2 milyon 613 min 965 olub.

Milli Kitabxanada isə bu say 8,3 faiz artaraq 1 milyon 829 min 534-ə, universitet kitabxanalarında 3,5 faiz artaraq 22 milyon 420 min 99-a, xalq kitabxanalarında isə 3,6 faiz artaraq 25 milyon 82 min 260-a çatıb. Təhsil müəssisələrinin kitabxanalarında isə 5,4 faiz azalma ilə 65 milyon 227 min 96 kitab mövcuddur.

Xalq kitabxanalarından istifadə edənlər 2023-cü ilə nisbətən 15,4 faiz artaraq 38 milyon 737 min 705 nəfərə yüksəlib. Xalq kitabxanalarına qeydiyyatdan keçən üzv sayı isə 8,6 faiz artaraq 6 milyon 726 min 993-ə çatıb.

Türkiyədə universitet kitabxanalarının sayı 487-si dövlət və 150-si özəl universiteti olmaqla 637-yə çatıb. Universitet kitabxanalarının elektron kitab sayısı 2023-cü ilə nisbətən 6 faiz artaraq 125 milyon 428 min 957-ə yüksəlib.

Universitet kitabxanalarına qeydiyyatdan keçən üzv sayı isə 2 faiz artaraq 4 milyon 282 min 978-ə çatıb.