BAKI, AzerVoice
İstanbulda, Qurban Bayramın birinci günündə xəstəxanaya müraciət edənlərin sayı 800-ü keçib.
AzerVoice-un məlumatına görə, İstanbulda bayramın birinci günü baş verən yol qəzaları nəticəsində 53 nəfər, qurban kəsimi ilə əlaqəli travmalar nəticəsində isə 776 nəfər olmaqla, ümumilikdə 829 nəfər xəstəxanaya müraciət edib.
"Bugün, İstanbulda yol qəzası nəticəsində 53 və qurban kəsimi ilə bağlı travmalar səbəbindən 776 vətəndaşımız xəstəxanalarımıza müraciət edib. Bir qadın vətəndaşımız isə qurban kəsiminin aparıldığı yerdə ikən ürək tutması keçirərək, xəstəxanada dünyasını dəyişib" — deyə, İstanbul Səhiyyə Müdiri Dos. Dr. Abdullah Emre Güner bildirib.
Güner, qurban kəsiminin yalnız yetkin şəxslər tərəfindən, uyğun və təhlükəsiz mühitdə aparılmasının həyati önəm daşıdığını vurğulayıb.
Güner, vətəndaşlardan bu məsələdə həm özlərinin, həm də ətrafdakılarının təhlükəsizliyini riskə atmamaqlarını istəyib.
