BAKI, AzerVoice, Nailə Babazadə
Milliyyətçi Hərəkat Partiyasının (MHP) sədri Dövlət Baxçeli, Türkiyə Böyük Millət Məclisində keçirilən qrup iclasında çıxış edərək Şimali Kipr Türk Respublikasının Türkiyəyə birləşdirilməsinin vacibliyini vurğulayıb.
AzerVoice xəbər verir ki, MHP lideri çıxışında bildirib ki, federasiya təklifləri artıq mənasız və keçərsizdir.
“Kipr Türkündür, Türkün öz vətənidir. Federasiya nəzəriyyələrinin və təkliflərinin keçərliyi, eləcə də gələcəyi qətiyyən yoxdur.”-deyə o bildirib.
Bahçeli çıxışında “Şimali Kipr Türk Cümhuriyyəti Türkiyənin 82-ci vilayəti olmalıdır” fikrini bir daha gündəmə gətirib.
Onun sözlərinə görə, Türkiyə ilə Şimali Kipr arasında tarixi, milli və mədəni birliyin hüquqi-siyasi səviyyədə də möhkəmləndirilməsinin vaxtı çatıb.