BAKI,AzerVoice
Ərdoğan və Orban telefon danışığında əməkdaşlıq perspektivlərini
müzakirə ediblər
AzerVoice xəbər verir ki, Türkiyə Prezidenti Rəcəb Tayyib Ərdoğan ilə Macarıstanın Baş naziri Viktor Orban arasında telefon danışığı baş tutub.
Türkiyə Prezident Administrasiyasının verdiyi məlumata görə, danışıq zamanı iki ölkə arasında ikitərəfli münasibətlər, həmçinin regional və qlobal proseslər ətrafında fikir mübadiləsi aparılıb.
Prezident Ərdoğan Türkiyə-Macarıstan əlaqələrinin bütün sahələrdə inkişaf etdirilməsinə önəm verdiklərini vurğulayaraq, qarşıdakı dövrdə Yüksək Səviyyəli Strateji Əməkdaşlıq Şurası və Birgə Məşvərət Mexanizmi çərçivəsində əməkdaşlığın davam etdiriləcəyini bildirib.
Ərdoğan həmçinin Viktor Orbanı ad günü münasibətilə təbrik edib.
