BAKI, AzerVoice
Türkiyə Xarici İşlər Nazirliyi, ABŞ və Avropa İttifaqının Suriyaya tətbiq olunan sanksiyaların qaldırılması ilə bağlı son qərarlarını alqışlayıb.
AzerVoice xəbər verir ki, bu barədə nazirliyin sözçüsü Öncü Keçelinin verdiyi açıqlamada deyilir.
“ABŞ və Avropa İttifaqı tərəfindən Suriyaya qarşı tətbiq olunan sanksiyaların ləğvinə yönəlik atılan addımları məmnuniyyətlə qarşılayırıq. Bu qərarlar, Suriyanın sabitlik və təhlükəsizliyə qovuşması yolunda atılan səylər baxımından kritik əhəmiyyət daşıyır” - deyə, açıqlamada bildirilib.
Açıqlamada, Türkiyənin Suriyada iqtisadi inkişafa gətirəcək təşəbbüslərə dəstək verməyə davam edəcəyini vurğulayan Keçeli, bu dəstəyin Türkiyənin institusional imkanları, özəl sektorun təşəbbüskar gücü və əməkdaşlığa açıq üçüncü ölkələrlə birgə həyata keçirilən fəaliyyətlərlə davam etdiriləcəyini qeyd edib.