BAKI, AzerVoice
Türkiyənin Xarici İşlər Naziri Hakan Fidan 18 may 2025-ci il tarixində Səudiyyə Ərəbistanının paytaxtı Ər-Riyada səfər edəcək.
AzerVoice xəbər verir ki, səfər çərçivəsində Türk–Səudiyyə Koordinasiya Şurasının ikinci iclası keçiriləcək.
İclas Hakan Fidan və Səudiyyə Ərəbistanının Xarici İşlər Naziri şahzadə Feysəl bin Fərhanın birgə sədrliyi ilə baş tutacaq.
Fidanın toplantıda iki ölkə arasında sürətlə inkişaf edən əməkdaşlıqdan məmnunluq ifadə edəcəyi, ticarət əlaqələrinin genişləndirilməsinə diqqət çəkəcəyi və regional sabitlik üçün ikitərəfli strateji dialoqun əhəmiyyətini vurğulayacağı gözlənilir. O cümlədən, Qəzzada daimi atəşkəsin vacibliyi, Suriyaya sanksiyaların ləğvi və İsrailin bölgədəki təxribatlarının dayandırılması kimi mövzuların da gündəmdə olacağı qeyd edilir.
Qeyd edək kİ, bu, nazir Fidanın son bir il ərzində Səudiyyə Ərəbistanına üçüncü səfəri olacaq. O, sonuncu dəfə yanvar ayında bu ölkədə səfərdə olmuşdu.