BAKI, AzerVoice
Tramp, Zelenski və Putinlə ayrı-ayrılıqda görüşlərimiz olub.
AzerVoice xəbər verir ki, Rəcəb Tayyib Ərdoğan, Ukrayna ilə Rusiya arasında davam edən müharibədə silahların susması və sülhün təmin olunması üçün kritik bir mərhələdə olunduğunu bildirib.
O, həm ABŞ-ın prezidenti Donald Tramp, həm Ukrayna Prezidenti Volodimir Zelenski, həm də Rusiya Prezidenti Vladimir Putinlə ayrı-ayrılıqda görüşlər keçirdiyini açıqlayıb.
“Ukraynada silahların susması və sülh zəmininin yaradılması üçün kritik bir dönəmdəyik. Keçmişdə olduğu kimi bu gün də, çözümə yönəlik bütün təşəbbüslərə töhfə verməyə davam edirik”- deyə Ərdoğan vurğulayıb.
Ərdoğanın bu açıqlaması, Ukrayna-Rusiya münaqişəsində vasitəçi rolunu gücləndirmək niyyətində olan Ankaranın diplomatik fəallığının davam etdiyini göstərir.
Tərəflər arasında qarşılıqlı etimadın zəif olduğu bir mərhələdə bu cür yüksək səviyyəli təmasların sülhə aparan yolda açar rol oynaması gözlənilir.