BAKI, AzerVoice
Türkiyə Prezidenti Rəcəb Tayyib Ərdoğan bu gün Yeni Zelandiya, Anqola və ABŞ-ın Ankaradakı yeni təyin olunmuş səfirlərini qəbul edib.
AzerVoice xəbər verir ki, Prezident Administrasiyası Kompleksində baş tutan rəsmi mərasimdə Yeni Zelandiya səfiri Greg David Lewis, Anqola səfiri Joao Salvador Dos Santos Neto və ABŞ səfiri Thomas Joseph Barrack Prezident Ərdoğana etimadnamələrini təqdim ediblər.
Etimadnamələrin təqdimindən sonra səfirlər protokol qaydalarına uyğun olaraq səfirlik heyətlərini təqdim ediblər və Prezident Ərdoğan ilə xatirə fotosu çəkdiriblər.
Təqdimat mərasimindən sonra Ərdoğan Yeni Zelandiya səfiri Lewis, Anqola səfiri Neto və ABŞ səfiri Barrack ilə ayrıca görüşlər keçirib.
Görüşlərdə ikitərəfli əlaqələr və qarşılıqlı əməkdaşlıq imkanlarının müzakirə olunduğu bildirilir.