BAKI, AzerVoice
Türkiyə Prezidenti Rəcəb Tayyib Ərdoğan, Ukrayna Prezidenti Volodimir Zelenski ilə telefon danışığı aparıb.
AzerVoice xəbər verir ki, bu barədə Türkiyə Prezident Aparatının verdiyi açıqlamada deyilir.
Açıqlamada bildirilib ki, danışıqlar zamanı Türkiyə–Ukrayna ikitərəfli münasibətləri, regional və qlobal məsələlər müzakirə olunub.
Ərdoğan, söhbət zamanı Rusiya və Ukrayna arasında birbaşa danışıqların yenidən başlanması iradəsini son dərəcə önəmli hesab etdiyini vurğulayıb və Türkiyənin bu prosesin hər mərhələsində lazımi dəstəyi göstərməyə hazır olduğunu bildirib.
Türkiyə Prezidenti həmçinin, sülh danışıqları çərçivəsində Rusiya və Ukrayna nümayəndə heyətlərini Türkiyədə qəbul etməkdən məmnunluq duyacaqlarını qeyd edib. O, genişmiqyaslı bir atəşkəsin danışıqlar üçün şərait yaradacağını və yaranmış bu fürsətin qaçırılmamasının zəruriliyini vurğulayıb.