BAKI, AzerVoice
ABŞ-da 45 gün saxlanılan türk doktorant Rümeysa Öztürk senatorlar və hüquq müdafiəçiləri tərəfindən dəstəklənir.
AzerVoice xəbər verir ki, Fələstinə
dəstək verdiyi üçün ABŞ-da saxlanılan və mayın 9-da məhkəmə qərarı
ilə sərbəst buraxılan türk doktorant Rümeysa Öztürk Massaçusetsdə
keçirdiyi mətbuat konfransında yaşadıqlarından danışıb.
Fulbrayt təqaüdü ilə Tufts Universitetində təhsil alan Öztürk 45
gün azadlığından və təhsilindən məhrum edildiyini bildirib. Mətbuat
konfransında onu ABŞ senatoru Ed Marki, konqres üzvü Ayanna Pressli
və ACLU nümayəndələri dəstəkləyib.
Senator Pressli Öztürkü heç vaxt unutmadıqlarını və tam bəraət
alana qədər mübarizəni davam etdirəcəklərini qeyd edib. Öztürkün
vəkilləri mayın 22-də keçiriləcək məhkəmədə vizasının “qanunsuz
ləğvi”nə qarşı hüquqi mübarizəni davam etdirəcəklərini
açıqlayıblar.
Qeyd edək ki, Rümeysa Öztürkün ABŞ-a giriş zamanı saxlanılması beynəlxalq səviyyədə diqqət çəkmiş və insan haqları təşkilatları tərəfindən tənqid edilmişdi.