BAKI, AzerVoice
ABŞ-da həbs olunan Rümeysa Öztürk bu gün hakim qarşısına çıxır.
AzerVoice xəbər verir ki, Fələstinə
verdiyi dəstəyə görə martın 25-dən ABŞ-da saxlanılan Tufts
Universitetinin Fulbrayt təqaüdçüsü və doktorantura tələbəsi
Rümeysa Öztürk bu gün Vermont Federal Məhkəməsində keçiriləcək
iclasda hakim qarşısına çıxacaq.
Məhkəmə onun həbsinə etiraz və zaminə buraxılma tələbinə
baxacaq.
Öztürk təxminən altı həftədir Luizianada saxlanılır. O, Vermont ştatındakı İmmiqrasiya və Gömrük Mühafizəsi (ICE) təcridxanasına köçürülməsinə qarşı çıxsa da, Nyu York məhkəməsi onun etirazını rədd edib. Apellyasiya paneli ABŞ Ədliyyə Departamentinə Vermont Federal Məhkəməsinin köçürmə qərarına əməl etməyi tapşırıb.
“Heç kim siyasi baxışlarına görə həbs edilməməlidir. Rümeysa Öztürkün həbsdə keçirdiyi hər gün artıqdır.” - deyə Amerika Vətəndaş Azadlıqları Birliyinin (ACLU) direktor müavini Esha Bhandari məsələ ilə bağlı bildirib.
Qeyd edək ki, Rümeysa Öztürk martın 25-də Massaçusetsdə iftara gedərkən ICE əməkdaşları tərəfindən saxlanılıb. ABŞ senatoru Marko Rubio onun tələbə vizasının ləğv edildiyini və deportasiya olunacağını bəyan edib. Rubio onu “Həmas tərəfdarı” kimi xarakterizə edib və İsrail əleyhinə fəaliyyət göstərdiyi iddia edilən 300-dən çox xarici tələbənin vizasının ləğv edildiyini açıqlayıb. ABŞ hakimi Denise Kasper Öztürkün deportasiyasına qarşı müvəqqəti həbs qərarı çıxarıb. Tufts Universiteti də tələbəsinin azadlığa buraxılması üçün çağırış edib.