BAKI,AzerVoice, Fərid Mikayılov

Çelsi klubu Kol Palmerin gələcəyi ilə bağlı yayılan iddialara qəti mövqe sərgiləyib.

AzerVoice xəbər verir ki, İngiltərə mətbuatında 23 yaşlı hücumçunun Londonda darıxdığı və uşaqlıq klubu olan Mançester Yunaytedə qayıtmaq istədiyi irəli sürülsə də, klub rəhbərliyi bu xəbərləri təkzib edib.

Palmer Çelsi üçün toxunulmaz futbolçu hesab olunur və klub onunla bağlı heç bir transfer təklifini nəzərdən keçirməyi planlaşdırmır. Çelsi gənc futbolçunun uzun illər komandanın əsas sütunlarından biri olacağına inanır.

2023-cü ildə Mançester Sitidən Çelsiyə keçən Kol Palmer qısa müddətdə London klubunun liderlərindən birinə çevrilib. O, Premyer Liqada 41 qol və 19 məhsuldar ötürmə ilə komandanın ən effektiv oyunçularından biri olub.

Çelsinin baş məşqçisi Liam Rosenior futbolçunun klubdan narazı olması ilə bağlı iddiaların əsassız olduğunu bildirib.

“Kol ilə mütəmadi danışırıq və o, burada olmaqdan çox razıdır. Uzunmüddətli planlarımızın mərkəzində dayanır. Zədələr hər futbolçunun karyerasında olur və bu, onun keyfiyyətlərinə kölgə salmır”- deyə baş məşqçi bildirib.