BAKI,AzerVoice, Fərid Mikayılov
Türkiyə Milli Futbol Komandası, 2026 FIFA Dünya Çempionatı Avropa Seçmə mərhələsi E Qrupunun üçüncü matçında sabah səfərdə Bolqarıstanla qarşılaşacaq.
AzerVoice xəbər verir ki, oyun Vasil Levski Milli Stadionunda Bakı vaxtı ilə saat 22:45-də başlayacaq.
Portuqaliya Futbol Federasiyasından hakim Luis Godinho oyunu idarə edəcək. Rui Teixeira və Pedro Almeida köməkçi hakim, Miguel Nogueira isə 4-cü hakim olacaq.
E Qrupunda Türkiyə, Gürcüstanla eyni xala malik olmasına baxmayaraq, fərqlə 3-cü sıradadır. Bolqarıstan isə xalsız sonuncu pillədə yer alır. Qrupun lideri isə 6 xalla İspaniyadır.
Türkiyə ilk oyununda səfərdə Gürcüstana 3-2 qalib gəlib, Konya şəhərində İspaniyaya isə 6-0 uduzub. Bolqarıstan isə evdə İspaniyaya və səfərdə Gürcüstana 3-0 məğlub olub.