Bakı,VOA

Almaniyanın ev sahibliyi etdiyi 2024-cü il futbol üzrə Avropa çempionatının (EURO-2024) son 16 turunun oyunlarına bu gün start veriləcək.

VOA xəbər verir ki, İlk iki yerdə A qrupunda Almaniya və İsveçrə, B qrupunda İspaniya və İtaliya, C qrupunda İngiltərə və Danimarka, D qrupunda Avstriya və Fransa, E qrupunda Rumıniya və Belçika, F qrupunda Portuqaliya və Türkiyə yer alıb və son 16 tura yüksəlib.

Sloveniya, Hollandiya, Slovakiya və Gürcüstan ən yaxşı dörd qrup üçüncüsü arasında yer alaraq son 16 turuna vəsiqə qazanıblar.

Türkiyə Milli komandası son 16 turunda Avstriya ilə qarşılaşacaq.

F qrupuna Gürcüstan üzərində 3:1 hesablı qələbə ilə başlayan ay-ulduzlu komanda ikinci oyununda Portuqaliyaya 3:0 hesabı ilə uduzub. Qrupun son oyununda Çexiyaya 2:1 hesabı ilə qalib gəlib.

Son 16 turun oyunları cədvəli belədir:

29 iyun şənbə:

19:00 İsveçrə-İtaliya (Berlin Olimpiya Stadionu)

22:00 Almaniya-Danimarka (Signal Iduna Park)

Bazar, 30 iyun:

19:00 İngiltərə-Slovakiya (AufSchalke Arena-Gelsenkirchen)

22:00 İspaniya-Gürcüstan (Köln Stadionu)

Bazar ertəsi, 1 iyul:

19:00 Fransa-Belçika (Düsseldorf Arena)

22:00 Portuqaliya-Sloveniya (Frankfurt Arena)

Çərşənbə axşamı, 2 iyul:

19:00 Rumıniya-Hollandiya (Münhen Futbol Arenası)

22:00 Avstriya-Türkiyə (Leypsiq Stadionu)