BAKI, AzerVoice, Səməd Əyyubov
Beynəlxalq Futbol Federasiyası (FIFA) İngiltərənin “Çelsi” klubunu 2029-cu ildə keçiriləcək Klublararası Dünya Çempionatına birbaşa vəsiqə ilə təmin edə bilər.
AzerVoice-un məlumatına görə, FIFA bu yay qarşıdan gələn turnir üçün yeni təsnifat sistemini müəyyənləşdirməyi planlaşdırır.
Qeyd edək ki, “Çelsi” 2025-ci ildə ABŞ-da keçirilən yeni formatlı Klublararası Dünya Çempionatının qalibi olub. Həmin turnirdə Avropa komandalarına 12 yer, Cənubi Amerika təmsilçilərinə 6 yer, Afrika, Asiya və Şimali Amerika komandalarına isə hərəsinə 4 yer ayrılıb. Avstraliya və Okeaniya bölgəsinə 1 yer verilib. Ev sahibi ölkəyə isə əlavə bir yer təqdim olunub – bu vəsiqə MLS-in 2024-cü il mövsümünün çempionu olan “İnter Mayami”yə verilib.
Komandaların seçimində əsas meyar kimi qitə üzrə aparılan beynəlxalq turnirlərin qalibləri və 2021–2024-cü illəri əhatə edən dövr üçün tərtib olunmuş reytinq cədvəli əsas götürülür.
