BAKI,AzerVoice
Messi ilə Barselona bir-biri ilə sıx bağlıdır və inanıram ki, o Barselonaya qayıdacaq.
AzerVoice xəbər verir ki, bu sözləri İspaniya La Liqasının prezidenti Xavier Tebas deyib.
"Düşünürəm ki, Messi Barselonaya qayıtmaq istəyir. O, orada uzun illər oynayıb",- deyə o bildirib.
Prezident həmçinin Neymarın Barselonaya qayıtmaq ehtimalından da danışıb.
"Neymar isə tam fərqli bir hekayədir. Onun Barselonaya qayıdacağına inanmıram", – deyə Tebas vurğulayıb.
Xatırladaq ki, Barselonanın əfsanəsi Lionel Messi 2000-2005-ci illər arasında klubun akademiyasında çıxış edib. 2005-ci ildə isə əsas komandaya yüksəlib.
Messi "Barselona" forması ilə 778 oyun keçirib, 672 qol vurub və 303 məhsuldar ötürmə edib. O, klubla birlikdə:
- 10 La Liqa çempionluğu,
- 7 İspaniya kuboku,
- 8 İspaniya Superkuboku,
- 4 Çempionlar Liqası titulu,
- 3 UEFA Superkuboku,
- 3 Klub Dünya Çempionatı
qazanıb.
Messi 2023-cü ildə PSJ-dən ayrılaraq ABŞ-ın "İnter Mayami" klubuna keçib. Onun müqaviləsi 2025-ci ilin dekabrına qədər qüvvədədir.
