Bakı,AzerVoice
Real Madrid-in baş məşqçisi Karlo Ançelotti, son üç həftədə şans vermədiyi milli futbolçu Arda Güler haqqında fikirlərini səsləndirib.
AzerVoice xəbər verir ki, Ançelotti, La Liqanın 25-ci turunda Santyaqo Bernabeu stadionunda Girona üzərində 2-0 hesablı qələbədən sonra keçirilən mətbuat konfransında bu barədə danışdı.
İspan jurnalistin "Türk futbolçunun durumu necədir, fiziki problemi var, niyə oynamır?" sualına italiyalı məşqçi qısa cavab verərək, "Yaxşı və oynamağa hazırdır." dedi.
La Liqada geridə qalan 25 turun 16-sında oynayan və 6 matçda əsas heyətdə başlayan Arda Güler, Real Madrid-də ümumilikdə 605 dəqiqə meydanda olub.
25 fevralda 20 yaşı tamam olacaq Arda, bu mövsüm Real Madrid-in bütün oyunlarında ən çox vaxt alan futbolçular siyahısında 18-ci yerdədir. O, sonuncu dəfə 5 fevralda Leganes-lə səfər matçında 76-cı dəqiqədə oyuna daxil olmuşdu.
