BAKI, AzerVoice, Nailə Babazadə
Misir, İsrailin Dohaya endirdiyi hava zərbəsinə cavab olaraq təhlükəsizlik sahəsində Tel-Əvivlə koordinasiyanı məhdudlaşdırmaq qərarına gəlib.
AzerVoice xəbər verir ki, Misir rəsmiləri İsrailə açıq mesaj göndərərək bildiriblər ki, ölkə ərazisində oxşar hücumların həyata keçirilməsi silahlı cavabla qarşılanacaq.
“HƏMAS liderlərinin həyatına Misir torpaqlarında ediləcək hər hansı sui-qəsd, dövlətimizin suverenliyinin pozulması və İsrailin müharibə elan etməsi kimi qəbul ediləcək. Biz də tərəddüd etmədən cavab tədbirləri görəcəyik.” - deyə qeyd edilib.
Analitiklər hesab edirlər ki, Misirin bu sərt mövqeyi Qahirə ilə Tel-Əviv arasında təhlükəsizlik əməkdaşlığında yeni gərginlik dalğası yarada bilər. Bu qərar həmçinin Qəzza ilə bağlı davam edən münaqişədə region ölkələrinin mövqelərinin sərtləşdiyini göstərir.
