ABŞ Prezidenti Donald Tramp bazar ertəsi bildirib ki, Asiya turu çərçivəsində Şimali Koreya lideri Kim Çen In ilə görüşmək istəyərdi və bu məqsədlə səfərini uzatmağı istisna etmir. Tramp bu açıqlamanı Malayziyadan Yaponiyaya gedərkən prezident təyyarəsində jurnalistlərə verib. Onun turu Yaponiyada bazar ertəsi və çərşənbə axşamı, Cənubi Koreyada isə çərşənbə və cümə axşamı günlərini əhatə edir. O, bazar günü Malayziyaya səfər etmişdi.

ABŞ-ın sabiq vitse-prezidenti Kamala Harris 2028-ci il prezident seçkilərində iştirak ehtimalını tamamilə rədd etməyib. BBC-yə verdiyi müsahibədə Harris gələcək seçkilərdə iştirak potensialı və Donald Trump-ın prezidentliyi ilə bağlı fikirlərini bölüşüb. “Hələ işim bitməyib,” deyən Harris bir gün “mümkündür ki,” ABŞ Prezidenti ola biləcəyini bildirib.

“HƏMAS” hərəkatının yüksək rütbəli rəhbərlərindən biri olan Xəlil əl-Həyyə bəyan edib ki, “Qəzza zolağında yeni ərazilərə daxil olunacaq bu girovların cəsədlərini axtarmaq məqsədilə ediləcək”.

ABŞ Prezidenti Donald Tramp Malayziya, Yaponiya və Cənubi Koreyanı əhatə edən 5 günlük Asiya səfəri üçün Ağ Evdən ayrılmazdan əvvəl jurnalistlərin suallarını cavablandırıb. O, “Şi ilə yaxşı bir görüş keçirəcəyimizi düşünürəm” deyərək, iki ölkə arasında gərginlik yaradan ticarət və gömrük tarifləri, həmçinin Tayvan məsələsinin gündəmin əsas mövzuları olacağını qeyd edib.

Misirin paytaxtı Qahirədə “HƏMAS” və “Fəth” nümayəndə heyətləri arasında görüş keçirilib. Görüşdə atəşkəs sazişinin ikinci mərhələsi və Qəzza zolağının gələcək idarəçiliyi ilə bağlı məsələlər müzakirə olunub. Misir kəşfiyyatının vasitəçiliyi ilə keçirilən danışıqlar “müsbət atmosferdə” keçib. Xüsusilə Qəzzanın idarəçiliyi və hakimiyyətin ötürülməsi məsələlərində tərəflərin mövqelərinin yaxınlaşdığı bildirilir.

Yaponiyanın siyasi səhnəsi 21 oktyabr tarixində tarixi bir hadisəyə şahidlik etdi - Liberal Demokrat Partiyasının lideri Sanai Takaiçi baş nazir seçildi. Beləliklə, o, ölkə tarixində bu vəzifəyə gələn 104-cü şəxs və ilk qadın baş nazir oldu. Bu qərar, Yaponiya üçün mürəkkəb geosiyasi çağırışların yaşandığı və ölkənin Hind–Sakit okean regionunda sabitlik və rifah dayağı kimi mövqeyini gücləndirməyə çalışdığı bir vaxtda atıldı.

ABŞ-a ərəb miqrantlarının köçü uzun tarixi və müxtəlif mərhələləri əhatə edir. Bu qrupda Şimali Afrika və Yaxın Şərqdəki 22 ərəb dilində danışan ölkələrdən gələn şəxslər və onların əvvəlki nəsilləri yer alır. 1880-ci ildən 1924-cü ilə qədər Osmanlı İmperiyasının ərazisindən olan ərəb miqrantları ABŞ-a çalışmaq və ya siyasi münaqişələrdən qaçmaq üçün gəliblər. Bu dövr 1924-cü ildən sonra yavaşladı, çünki ABŞ hökuməti miqrasiya kvotaları tətbiq etməyə başladı, lakin 1965-ci ildən sonra kvota sisteminin ləğv edilməsi ilə yenidən artmağa başladı.

ABŞ Prezidenti Donald Tramp bildirib ki, Asiya turu çərçivəsində Çin Prezidenti Si Cinpin ilə keçirəcəyi görüşdə Tayvan məsələsi də müzakirə olunacaq mövzular arasında yer alacaq. Tramp həmçinin Honq-Konqda həbsdə olan media maqnatı Cimmi Layın azadlığa buraxılmasının vacibliyini vurğulayıb. ABŞ lideri Vaşinqtonu tərk edərək Asiya səfərinə – hakimiyyətə qayıtdıqdan sonra ilk Asiya turuna başlamazdan öncə Şimali Koreya lideri Kim Çen In ilə görüşmək arzusunu da ifadə edib.

Ekstremist baxışları ilə tanınan nazirin açıq şəkildə üzr istəməsi, həm də İsrail hökumətinə və baş nazir Benyamin Netanyahuya ünvanlanmış bir mesaj kimi dəyərləndirilir. ABŞ, İsrail rəsmilərinə region ölkələri ilə münasibətləri gərginləşdirən populist çıxışlardan çəkinmək barədə xəbərdarlıq edir. Vaşinqtonun əsas məqsədi, Trampın “İbrahim sazişləri” layihəsini genişləndirərək daha çox ərəb ölkəsini, xüsusilə Səudiyyə Ərəbistanını bu təşəbbüsə cəlb etməkdir.

ABŞ Prezidenti Donald Tramp Kanada ilə bütün ticarət danışıqlarını dayandırdığını açıqlayıb. Səbəb kimi Kanadanın ABŞ tariflərinə qarşı yayımladığı televiziya reklamını göstərib. Tramp reklamın faktları yanlış təqdim etdiyini və ABŞ məhkəmələrinin qərarlarına təsir etməyə yönəldiyini bildirib. Tramp sosial media hesabında paylaşım edib. “Tariflər ABŞ-ın milli təhlükəsizliyi və iqtisadiyyatı üçün çox vacibdir” və Kanadanın “əhəmiyyətli davranışına görə” bütün ticarət danışıqları dərhal dayandırılır.

Oktyabrın 27-də Tramp Tokioya səfər edəcək və oktyabrın 28-də Yaponiyanın yeni baş naziri Sanae Takaiçi ilə görüşəcək. Oktyabrın 29-da Tramp Pusana uçacaq, orada Cənubi Koreya prezidenti Li Çje Myon ilə görüşəcək və Asiya-Sakit Okean İqtisadi Əməkdaşlıq Təşkilatının (APEC) sammitində çıxış edəcək. “Yerli vaxtla cümə axşamı prezident Vaşinqtona qayıtmazdan əvvəl Çin sədri Si [Cinpin] ilə ikitərəfli görüşdə iştirak edəcək”.

ABŞ Prezidenti Donald Tramp “Time” jurnalına verdiyi müsahibədə bildirib ki, İsrail Qərb Sahilini ilhaq etməyəcək, çünki bu baş verəcəyi təqdirdə ölkə bütün Amerika dəstəyindən məhrum olacaq. İrana edilən hücumdan sonra bu ölkə ciddi şəkildə zəifləyib və nəticədə Orta Şərq artıq əvvəlki kimi deyil.O, hazırda İranın nüvə proqramı uğrunda deyil, mövcudluğunu qorumaq uğrunda mübarizə apardığını bildirib. “Mən hesab edirəm ki, İran artıq sadəcə sağ qalmaq üçün mübarizə aparır, nüvə silahı üçün yox. Nüvə təhlükəsi artıq mövcud deyil. İran obyektlərinə edilən hücum isə mükəmməl idi,” – deyə Tramp vurğulayıb.

Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İnkişaf Agentliyi (UNRWA) bildirib ki, İsrailin uzunmüddətli hücumları nəticəsində Qəzza zolağı 61 milyon ton dağıntı ilə örtülüb. Qurumun ABŞ mərkəzli X sosial media platformasındakı paylaşımında, İsrailin iki il ərzində Qəzza zolağını mühasirədə saxlayaraq bombaladığı və bölgənin geniş hissələrinin yerlə-yeksan edildiyi vurğulanıb.

ABŞ Prezidenti Donald Tramp, Asiya səfəri çərçivəsində görüşməyi planlaşdırdığı Çin Prezidenti Si Cinpinin, Rusiya-Ukrayna müharibəsinin sona çatması üçün Rusiya Prezidenti Vladimir Putin üzərində böyük təsirə malik ola biləcəyini bildirib. Tramp Oval Ofisdə jurnalistlərin suallarını cavablandırarkən bildirib. Tramp, Si Cinpini “böyük bir ölkənin güclü lideri” kimi xarakterizə edib.

ABŞ Prezidenti Donald Tramp, Rusiya Prezidenti Vladimir Putinlə apardığı telefon danışığında nüvə silahları mövzusunun gündəmə gəldiyini bildirib. Ağ Evdə açıqlama verən Tramp deyib ki, Putin söhbət zamanı nüvə gərginliyinin azaldılması barədə danışıb. “Prezident Putin telefon danışığında mənə nüvə silahları ilə bağlı gərginliyin azaldılmasından bəhs etdi. Mənim üçün bu, problem deyil. Əksinə, bunun yaxşı və uyğun bir addım olduğunu düşünürəm,” – deyə Tramp bildirib.

ABŞ Prezidenti Donald Tramp, Budapeştdə keçirilməsi planlaşdırılan, lakin ləğv edilən Rusiya Prezidenti Vladimir Putinlə görüşü barədə danışıb. Tramp, NATO Baş katibi Mark Rutteni Ağ Evdə qəbul edərkən mətbuat nümayəndələrinin suallarını cavablandırıb və gündəmi dəyərləndirib. O, Putinlə keçirilməsi gözlənilən, lakin son anda ləğv olunan sammitlə bağlı açıqlama verib. “Prezident Putinlə olan görüşü ləğv etdim, çünki mənə doğru gəlmədi. Qarşımıza qoyduğumuz məqsədə çata biləcəyimizi düşünmədim. Buna görə ləğv etdim, amma gələcəkdə bu görüş baş tutacaq.” - deyə Tramp qeyd edib.

ABŞ Administrasiyası Səudiyyə Ərəbistanı Krallığının vəliəhdi, Baş nazir Məhəmməd bin Salman bin Əbdüləziz Al Səuddanın Ağ Evə gəlişinə hazırlaşır. Səfər noyabrın 17-19-na planlaşdırılıb. Hazırda Prezident Donald Tramp və vəliəhd şahzadənin səfər zamanı imzalaya biləcəkləri sazişlər paketinin hazırlanması üzərində iş gedir.

Türkiyənin Xarici İşlər Nazirliyi İsrail parlamentinin (Knesset) işğal altındakı İordan çayının qərb sahilinin ilhaqını nəzərdə tutan qanun layihəsini təsdiqləməsinə kəskin etiraz bildirib. Nazirliyin yazılı açıqlamasında qeyd olunub ki, İsrailin bu addımı beynəlxalq hüquqa ziddir və “yox hükmündə” sayılır. “Qəzzada sülh səylərinin davam etdiyi bir vaxtda atılan bu təxribat xarakterli addım bölgədəki təhlükəsizlik və sabitliyi ciddi şəkildə təhdid edir”, – açıqlamada vurğulanıb.

İsrail parlamenti - Knesset, çərşənbə günü keçirilən iclasda Qərb Sahilinə İsrail suverenliyinin tətbiqini nəzərdə tutan qanun layihəsini birinci oxunuşda təsdiqləyib. Knesset eyni zamanda Şərqi Qüds yaxınlığındakı “Maale Adumim” yaşayış məntəqəsinin İsrail ərazisinə ilhaqını nəzərdə tutan qanun layihəsini də ilkin oxunuşda qəbul edib.

Qəzzadaki hökumət, HƏMAS ilə İsrail arasında 10 oktyabrda əldə edilən atəşkəsdən bəri Qəzza zolağına humanitar yardım daşıyan cəmi 986 yük maşınının daxil olduğunu bildirib. Qəzza hökumətinin media ofisindən yayılan yazılı açıqlamada, İsrailin iki il boyunca blokada altında saxlayıb bombaladığı Qəzza zolağına atəşkəs və əsir mübadiləsi razılaşmasından sonra çatdırılan humanitar yardımla bağlı məlumat verilib. Açıqlamada qeyd olunub ki, atəşkəs qüvvəyə mindikdən sonra 14-ü məişət qazı balonu və 28-i yanacaq daşıyan olmaqla, ümumilikdə 986 yardım yük maşını Qəzza zolağına çata bilib.

İranın ali dini lideri Ayətullah Əli Xamenei ABŞ Prezidenti Donald Trampın “İranın nüvə obyektlərinin bombalanaraq məhv edildiyi” iddiasını “xülya” adlandırıb və Vaşinqtonun yeni danışıqlar təklifini qəti şəkildə rədd etdiyini bildirib. Bu haqda Xamenei 43 günlük fasilədən sonra ilk ictimai çıxışında deyib. “ABŞ prezidenti lovğalanaraq deyir ki, biz İranın nüvə sənayesini bombaladıq və məhv etdik. Yaxşı, qoy o, bu xəyalla yaşasın!”-deyə o bildirib.

Rusiya Xarici İşlər Nazirliyi Rusiya xarici işlər naziri Sergey Lavrov ilə ABŞ-ın dövlət katibi Marko Rubio arasında telefon danışığının baş tutduğunu açıqlayıb.

İsrail ordusunun atəşkəsə baxmayaraq son 24 saatda Qəzzada həyata keçirdiyi hücumlarda 45 nəfər həlak olub. Qəzzadaki Səhiyyə Nazirliyinin yaydığı yazılı açıqlamada, İsrailin hücumları nəticəsində baş verən insan tələfatı, yaralılar və dağıntılar altından çıxarılan cəsədlərlə bağlı məlumatlar paylaşılıb. Son 24 saat ərzində Qəzza zolağındakı xəstəxanalara, dağıntılar altından çıxarılan 12 nəfər də daxil olmaqla, ümumilikdə 57 meyit və 158 yaralı gətirilib.

Misir, İsrail və Həmasa Şarm əl-Şeyx şəhərində imzalanan Qəzzada atəşkəs sazişinə əməl etməyə çağırıb. Misir Xarici İşlər Nazirliyinin yaydığı yazılı açıqlamaya görə, nazir Bədr Əbdülati Fransa xarici işlər naziri Jan-Noel Barro və Danimarka xarici işlər naziri Lars Lökke Rasmussenlə telefonla danışıb. Əbdülati qeyd edib ki, Şarm əl-Şeyx şəhərində imzalanan Qəzzada atəşkəs razılaşmasına tərəflərin əməl etməsi son dərəcə vacibdir.