BAKI, AzerVoice
İtaliya Respublikasının Baş naziri Giorgia Meloninin Özbəkistana rəsmi səfəri çərçivəsində Səmərqənd şəhərində təntənəli qarşılanma mərasimi təşkil olunub.
AzerVoice xəbər verir ki, qarşılanma mərasimi Səmərqənddəki Konqres Mərkəzinin qarşısındakı meydanda keçirilib.
Özbəkistan Respublikasının Prezidenti Şavkat Mirziyoyev yüksək səviyyəli qonağı səmimiyyətlə qarşılayaraq onu şərəf kürsüsünə dəvət edib. Daha sonra hərbi orkestr hər iki ölkənin dövlət himnlərini səsləndirib.
Tərəflər fəxri qarovulun qarşısından keçib və rəsmi nümayəndə heyətlərinin üzvləri ilə salamlaşıblar.
Rəsmi qarşılanmadan sonra Özbəkistan və İtaliya liderləri arasında ali səviyyəli danışıqlara başlanılıb.
