BAKI,AzerVoice, Fərid Mikayılov

Avropa İttifaqı (Aİ) Komissiyasının rəhbəri Ursula von der Leyenin təyyarəsinin Bolqarıstana səfəri zamanı naviqasiya siqnalını itirməsinə Rusiyanın elektron müdaxiləsinin səbəb olduğu ehtimal edilir.

AzerVoice xəbər verir ki, Aİ Komissiyasının sözçüsü Arianna Podesta bildirib ki, hadisə von der Leyenin dünən Bolqarıstan hava limanına enişi zamanı qeydə alınıb.

Təyyarə naviqasiya sisteminin işləməməsinə baxmayaraq, problemsiz şəkildə eniş edib.

Bolqarıstan rəsmiləri insidentin Rusiya tərəfindən həyata keçirilmiş elektron müdaxilə nəticəsində baş verdiyini istisna etmirlər.

“Rusiyanın hədələmə və qorxutma siyasətinin düşmənçilik fəaliyyətlərinin bir parçası olduğunun fərqindəyik. Bu hadisə müdafiə imkanlarımızı gücləndirmək və Ukraynaya dəstək vermək istiqamətində sarsılmaz qətiyyətimizi daha da artıracaq”- deyə Podesta bildirib.

Podesta bildirib ki, Aİ rəhbəri bu hadisə ilə Rusiyanın gündəlik təhdidlərini birbaşa təcrübədən keçirmiş oldu.

“Aİ müdafiəyə və Avropanın hazırlıqlarına sərmayə qoymağa davam edəcək” – deyə Podesta əlavə edib.