BAKI,AzerVoice, Fərid Mikayılov
Rusiyanın Kamçatka yarımadasında güclü zəlzələ baş verib.
AzerVoice xəbər verir ki, Avropa–Aralıq dənizi Seysmoloji Mərkəzinin (EMSC) məlumatına əsasən, yanvarın 26-da Bakı vaxtı ilə 13:21-də Kamçatka sahillərində 5,3 bal gücündə zəlzələ qeydə alınıb.
Yeraltı təkanların episentri Petropavlovsk-Kamçatski şəhərindən təxminən 149 kilometr cənub-şərqdə yerləşib. Zəlzələnin ocağı 32 kilometr dərinlikdə qeydə alınıb.
Hazırda zəlzələ nəticəsində dağıntılar və ya xəsarət alanlar barədə məlumat verilməyib.
Qeyd edək ki, yanvarın 22-də də Kamçatka sahillərində daha güclü – 6,4 bal gücündə zəlzələ baş verib. Region seysmik aktivliyi ilə tanınır və burada mütəmadi olaraq yeraltı təkanlar müşahidə olunur.