BAKI, AzerVoice
İsrail Baş naziri Benyamin Netanyahunun oğlu Avner Netanyahunun, 2022-ci ildə təhsil almaq üçün İngiltərəyə getmədən əvvəl adını dəyişdirdiyi ortaya çıxıb.
AzerVoice xəbər verir ki, Avner Netanyahu "Netanyahu" soyadının çoxsaylı müsəlman əhalisinin yaşadığı ərazilərdə tanınma qorxusuyla adını Avi Segal olaraq dəyişib.
Bu yeni adla İngiltərədə universitetə qeydiyyatdan keçib və bir mənzil alıb. Avner, adını yalnız şəxsiyyət vəsiqəsində deyil, həm də sürücülük vəsiqəsi və pasportunda dəyişdirdiyini bildirərək, müsəlmanların yaşadığı bir ölkədə "Netanyahu" soyadı ilə gəzməkdən qorxduğunu açıqlayıb.
Avi Segal adı ilə İngiltərədə 502 min sterlinqə mənzil almış Avner, bu alışı nağd olaraq edib və Oxford Universitetində magistr təhsilinə, atasına olan əlaqəsini gizləyərək başlayıb. Məktəbdəki qeydiyyatlarda da adı Avi Segal olaraq keçir.
İsrail qanunlarına görə, 2 milyon İsrail şekelindən aşağı olan xaricdə alınan əmlakların vergi idarəsinə bildirilməsi tələb olunmur. Avnerin, sterlinqin şekelə qarşı ən zəif olduğu dövrdə aldığı mənzilin qiyməti 1,97 milyon şekel olduğu üçün bildirişin verilmədiyi vurğulanıb.
