BAKI, AzerVoice
Tramp Qəzzada atəşkəsin yaxın vaxtlarda baş tutacağını açıqlayıb.
AzerVoice xəbər verir ki, ABŞ
prezidenti Donald Tramp çərşənbə axşamı günü verdiyi açıqlamada
Qəzza zolağında atəşkəsin gələn həftə ərzində əldə ediləcəyini
bildirib.
Tramp, Floridada immiqrasiya təcridxanasının açılış mərasimindən
öncə jurnalistlərə müsahibəsində, “Ümid edirik ki, atəşkəs
reallaşacaq və gələn həftə başlayacaq” - deyə bildirib.
Tramp həmçinin İsrailin baş naziri Binyamin Netanyahunun Vaşinqtona səfər edəcəyini və burada Qəzza və İran məsələlərini müzakirə edəcəklərini qeyd edib.
Netanyahu isə Nazirlər Kabinetinin iclasından sonra verdiyi açıqlamada, gələn həftə ABŞ-a gedəcəyini, prezident Trampla görüşəcəyini və vitse-prezident, dövlət katibi, müdafiə naziri, Trampın Yaxın Şərq üzrə xüsusi nümayəndəsi və ticarət naziri ilə dəfələrlə görüşlər keçirəcəyini bildirib. Baş nazir həmçinin ticarət razılaşmaları və təhlükəsizlik mövzularının da müzakirə olunacağını qeyd edib.
